Преподобный Арсений Великий

Канон святому преподобному Арсению Великому Припе́в: Преподо́бне о́тче Арсéние, моли́ Бо́га о на́с. Память: 21 мая (08 мая ст. ст.) Глас 8. __ Акафист святому преподобному Арсению Великому Память: 21 мая (08 мая ст. ст.) __ Тропарь преподобному Арсению Великому, глас 8. Сле́з твои́х тече́ньми пусты́ни безпло́дное возде́лал еси́,/ и и́же из глубины́ воздыха́ньми во сто трудо́в уплодоноси́л еси́,/ и был еси́ свети́льник вселе́нней, сия́я чудесы́, Арсе́ние о́тче наш.// Моли́ Христа́ Бо́га, спасти́ся душа́м на́шим. __ Кондак преподобному Арсению Великому, глас 3. От Ри́ма возсия́л еси́, я́коже со́лнце вели́кое/ и к Ца́рскому гра́ду дости́гл еси́, преблаже́нне,/ словесы́ твои́ми просвеща́я сего́ и де́лы,/ вся́ку неразу́мия мглу отгоня́./ Сего́ ра́ди тя почита́ем,// отце́в сла́во, Арсе́ние преподо́бне. __ Величание Ублажа́ем тя,/ преподо́бне о́тче Арсе́ние,/ и чтим святу́ю па́мять твою́,/ наста́вниче мона́хов// и собесе́дниче Ангелов. __ Молитва преподобному Арсению Великому О, свяще́нная главо́, земны́й А́нгеле, Небе́сный челове́че, безмо́лвия рачи́телю, молча́ния люби́телю, преподо́бне и Богоно́сне о́тче наш Арсе́ние, припа́даем ти и мо́лимся: помоли́ся ко Го́споду, Бо́гу и Спа́су на́шему Иису́су Христу́, да да́рует нам, гре́шным и недосто́йным рабо́м Свои́м, вся ко спасе́нию душе́вному благопотре́бныя да́ры Своя́: ве́ру пра́ву, наде́жду бла́гу, любо́вь нелицеме́рну, благоче́стие непоколеби́мое, любому́дрие христопосле́довательное, и вся доброде́тели, во святе́м Ева́нгелии Им запове́данныя: да бу́дем подража́тели твоего́ благоуго́днаго жития́ и вку́пе с тобо́ю сподо́бимся спасе́ние ве́чное получи́ти и Ца́рствие Небе́сное унасле́дити. Ей, уго́дниче Бо́жий, не пре́зри нас, но помози́ нам, Небе́сным предста́тельством твои́м, благоче́стно житие́ вре́менное сконча́ти, кончи́ну благу́ю, ми́рную и непосты́дную стяжа́ти, и блаже́нства ра́йскаго удосто́итися: да просла́вим человеколю́бие и щедро́ты в Тро́ице сла́вимаго и покланя́емаго Бо́га, Отца́ и Сы́на и Свята́го Ду́ха, и твое́ свято́е заступле́ние, во ве́ки веко́в. Ами́нь. __ Шарики с циферками Shopping on ebay: