Պահապան Հրեշտակի թելադրած աղոտքը / Pahapan Hreshtaki Teladrac Axotqy

Ամենակալ Զորությունների Տիրոջը. Արարչին երկրի, երկինքների և ամբողջ տիեզերքի. Ստեղծողի տեսանելի և անտեսանելի ամեն ինչի. Թախանձագին աղաչանք-պաղատանքով դիմում եմ Քեզ՝ Թագավորների Թագավոր, որպեսզի մեզ՝ մեղավորներիս, ողորմես Քո անսահման Մեծությամբ ու Ողորմությամբ. Դու Ամենաողորմ Աստվածը լինելով, որ մարդուն Ստեղծեցիր Քո պատկերով ու տվեցիր ամեն իշխանություն երկրի վրա. Բայց մենք՝ մարդիկ, Քո Բարությունն ու Անսահման Սերը մեր հանդեպ թողեցինք՝ չարի կամակատարը դառնալով. Ժառանգեցինք մեղքի միջոցով Մահը. Այժմ մենք գիտակցելով դրա արդյունքները՝ խորապես զղջումով պաղատում ենք Քեզ՝ Անսահման Մեծությանդ, Քանզի Դու մեզ սիրելով, Քո միածին Որդուն՝ որպես Հլու- Հնազանդ մի գառ, առաքեցիր երկիր, որպեսզի Իր վրա կրի մեր մեղքերը. Քո Որդին եկավ ու Հլու -Հնազանդ Իր անարատությամբ Քո կամքը կատարեց, տանջվեց, չարչարվեց, խաչվեց խաչափայտին, թաղվեց և երրորդ օրը Քո անսահման զորությամբ, ավերելով դժոխքը, հաղթելով չարին ու մահվան. Բյուր- Բյուրավոր մեռելներին Հարություն տվեց և Առաջնորդեց դեպի Քո հավիտենականությունը, Այժմ մենք պաղատանքով դիմում ենք Քո Անսահման Մեծությանը, որպեսզի Ողորմես մեզ՝ ողջերիս ու մեռածներիս. Քո Ողորմածությամբ Գառանդ արյունով լվաս մեր հոգիների ախտերը ու մեր մեղանչական հագուստները. և Քո Արքայությանը արժանը անես, որովհետև հազարավոր տարիներ է, որ ննջած մարդիկ լինեն թե դժոխքում, թե քավարանում, թե տարտարոսում, թե սանդարամետում, բոլորը սպասում են Քո Ողորմությանը. Համընդհա&