Набажэнства “Мільён дзяцей моліцца на Ружанцы” 2023

Дабрачынная Мiсiя Добрага Самаранiна пад апекай Святой Уршулi Ледухоўскай ужо чацвёрты год арганізуе малітоўнае чуванне “Мільён дзяцей моліцца на Ружанцы”. 18 кастрычніка 2023 года дзеці Беларусі аб’ядноўваюцца, каб супольна далучыцца да сусветнага дня малітвы аб міры і еднасці ва ўсім свеце. Шчырая дзіцячая малітва, якая праслаўляе Бога, самая чыстая. Такі зварот неадкладна будзе пачуты Госпадам, бо ён ідзе ад самага сэрца.