Ете сәғәт бина емереклектәре аҫтында, ике клиник үлем, 40 көн реанимация һәм ун айлыҡ реабилитация

Был һынауҙар Рөстәм Нәбиевты сыныҡтыра ғына. Омск ҡалаһында хеҙмәт иткән Саҡмағош егете 12 июлдә казарма ишелгәндә зыян күрә. Был көндө бөтәһе 24 һалдат һәләк була, уларҙың бишәүһе Башҡортостандан. Һәләкәттә Рөстәм ике аяғын да юғалта. Ләкин егет бирешмәй. Ул әле лә киләсәккә юғары пландар ҡороп йәшәй, элеккесә спорт менән шөғөлләнә, йөрөргә өйрәнә.