Прп. Гавриил Ургебадзе. Современный юродивый святой старец. Житие, тропарь, кондак, молитва.

Подпишитесь на мой канал! Храни Господь! Тропарь глас 4 Яко Владыка Христос/ сокры Божество Свое,/ в человечество Его облекий,/ и тем неизглаголанную славу Свою/ невидиму сотвори,/ такожде и ты/ юродства образом покрыл еси славу твою,/ знамением исповедничества просиял еси/ и пастырем душ явился еси,/ отче преподобне Гаврииле,// моли Христа Бога помиловати души наша. Кондак глас 4: Непостижима есть милость Того,/ Его же благодатию /создание обоже=но видим вси,/ ты же, блаженне отче, /воистинну образ и подобие Творца явися,/ темже славим тя,/ достойна похвалы, /яко был еси на земли/ гласом правды и голубем чистоты,/ в чуднем смирении жительствовав, /лирою мудрости и органом любве/ звяцал еси, /ныне же на Небеси/ предстательствуеши о спасении нашем,// ходатаю благодати Божия. Молитва старцу Гавриилу. О блаже́нне Гаврии́ле, древним отцем подо́бниче и тве́рдый веры испове́дниче, от младенства Госпо́да всем сердцем возлюбивый и ре́вностно Ему после́довавый! Мы же, яко раби́ недостойнии, благочестия и смире́ния не имущии, обаче себе́ на всяк день в души́ велича́ющии, ближних осуждающии, не и́мамы пред Бо́гом, чим оправдатися! Сего ради молим тя: моли́ за нас Господа, да пода́ст нам ум, сло́во Его разуме́ти, да бу́дем не то́кмо слы́шателие, но и ревностнии его творцы и да разуме́ем, я́ко ничесо́же мо́жем, кроме́ по́мощи Бо́жия. Ей, святче Божий! Помози нам Господа возлюбити и Тому прилепитися все́ю душе́ю свое́ю, всем се́рдцем и помышле́нием, да пода́ст нам ра́дость, мир, долготерпение и утеше́ние в ско́рбех по неизрече́нней Свое́й ми́лости, Ему́же подобает всякая сла́ва, честь и держа́ва во ве́ки веко́в. Ами́нь. #старецгавриил #гавриилургебадзе #молитвастарцугавриилу #тропарьстарцугавриилу #уматушкивгостях