Rusiyalı hərbi analitik İrəvanın müharibədən sonrakı vəziyyətindən danışıb - Baku TV

Rusiyalı hərbi analitik İrəvanın müharibədən sonrakı vəziyyətindən danışıb - Baku TV Moskvadakı Strategiya və Texnologiyaların Təhlili Mərkəzinin direktoru Ruslan Puxov ermənilərin görmək istəmədiyi həqiqətləri onlara elə erməni kanallarının birində deyib. Aparıcının “müharibədən bir il sonra İrəvanda olmusunuz, təəssüratlarınız necədir” sualını cavablandıran ekspert sözünə belə başlayıb: “Təəssüratlarım heç də yaxşı deyil. Bir tərəfdən görürəm ki, insanlar guya müharibə olmayıb kimi davranırlar. Sanki məğlub olan tərəf deyillər. İfadələrində və çıxışlarında bu mövzudan yayınırlar”. Hərbi analitik Rusiyadakı ermənilərin nankorluğuna da diqqət çəkib. “Birinci və İkinci Qarabağ müharibəsində Rusiyanın Ermənistana kömək etdiyi şübhəsizdir. Amma ermənilər bu barədə danışmırdılar”, - deyə ekspert bildirib. Ruslan Puxov həmçinin bildirib ki, Azərbaycanın tammiqyaslı müharibənin Ermənistan ərazisinə keçməsində maraqlı olmadığı hər kəsə aydın idi. ________________________________ Pulsuz Elanlar: