“Өксөкүлээх Өлөксөй - биһиги кэммит киһитэ“ төгүрүк остуолтан кинигэни ырытыы

Кулун тутар 4 күнүгэр Дьокуускай куоракка өрөспүүбүлүкэтээҕи медиа-кииҥҥэ “Өксөкүлээх Өлөксөй эргимтэтэ Алексей Елисеевич Кулаковскай уонна Мэҥэ Хаҥалас улууһун дьоно-сэргэтэ: ахтыылар, источниктар“ саҥа кинигэ тула “Өксөкүлээх Өлөксөй - биһиги кэммит киһитэ“ диэн ааттаммыт төгүрүк остуол ыытыллыбыта. Бэлиэтээн эттэххэ, 2017 сыллаахха муус устар 27 күнүгэр Өрөспүүбүлүкэ күнүгэр Людмила Реасовна Кулаковская Майаҕа Р.Г. Васильев аатынан түмэлгэ улуус кыраайы үөрэтээччилэрин уонна Култуура дьиэтигэр олохтоохтору кытта көрсүһүүтүгэр Саха сирин улуустарын нэһилиэктэринэн А.Е. Кулаковскай ‒ Өксөкүлээх Өлөксөйү кытта алтыспыт, кини кэмигэр олорон ааспыт, норуоттарын туһугар үтүөнү оҥорбут дьоммутун үйэтитиэҕиҥ диэн этии киллэрбитэ, испииһэктэри бэлэмнээбитин кэпсээбитэ. Биһиги улууспутугар нэһилиэктэринэн оҥорбут испииһэгин туттарбыта. Бырайыагын «Өксөкүлээх Өлөксөй эргимтэтэ» диэн ааттаабытын иһитиннэрбитэ.