Саша Філіпенка: “І вернем Сцяг і Пагоню” | Саша Филипенко: “И вернём Флаг и Погоню“

Ніхто не верыў, што пратэсты працягнуцца так доўга і што так шмат беларусаў да іх далучыцца. Ніхто не спадзяваўся, што абудзіцца беларуская дыяспара і беларусы нарэшце пачнуць ганарыцца тым, што яны — беларусы. Але так здарылася. Што праўда, ніхто не думаў, што рэпрэсіі будуць такімі жорсткімі, а тыя, хто нам супрацьстаіць, — такімі беспрынцыповымі. І не ўсе гэта вытрымалі. Як не згубіць надзею і не паддацца расчараванню? Ці атрымаецца рэпрэсіямі зламаць беларусаў? На гэтыя ды іншыя пытанні адказвае пісьменнік Саша Філіпенка. У музычнай рубрыцы “Такога вы не чулі“ мінскі майстар ханга Максім Уласенка грае некалькі імправізацый і распавядае пра ўнікальнасць інструмента.