Bellas barbaricinas - Tenore Antonia Mesina Orgosolo - sottotitoli

Foto di, nell’ordine: Gianluca Porcu Alessandro Spiga Eros Sua Maddalena Cicalò Graziano Artedino Luca Mureddu Pierpaolo Dore Debora Carru Roberto Atzori Pinuccio Oppo Emanuele Secci Andrea Marongiu Ignazio Fulghesu “Bellas Barbaricinas“ Bobore si ses chircande femina abinande virtudes e bellesa, ite nde pensas de carch’Ozastrina, de sa Barbagia o Baroniesa? Cando chircas un’isposa Ben’in provinci’e Nuoro. Dai Santu Tiadoro e da Tertenia a Bosa. Cando t’has a cojuare no la chirches a forfè, in Posada e in Torpè ti faghen innamorare. Sas de Lula e de Lodè, Bitti, Orune e Siniscola, pare chi non ponzan pè lezeras paren crapolas. In sa bassa Barunia sinudas e primidivas grassiosas e dechidas tot’amore e simpatia. Durgalesas milindrosas ma gentiles in s’amore, delicadas paren rosas profumadas che fiore. E sas fizas d’Oliena caritundas e galanas, paren deas Ispartanas discendentes de Elena. Lea sas Mamujadinas, artas, biancas che melas, artas parene pandelas e sun totu ballerinas. Fonnesas imaculadas chi dominan da s’altura, misteriosas e puras che su nie ’e Mont’Ispada. Sas de Desulu sun raras de divinu portamentu, e sun chin sas de Tonara sas reinas d’Ennargentu. Sas d’Ovodda paren santas ma sun trop’amorajolas, t’amachian e t’incantan che Gitanas Ispagnolas. Gavoesas ohi, ohi no nd’atzetan d’Ollolai, ma cussas puru sun gai, no nde cheren de Gavoi. In su Crastu ’e Pisanu b’at sas bellas Sarulesas, tratu seri’e galanu de antiga nobilesa. In Olzai sunu damas sirenas incantadoras e focosas in s’amore ca brujana che fiamas. Bellas puru sas d’Ottana, moras, biancas e rusas paren olimpicas musas de s’epoca Greciana. Sas d’Orane in chistione mustran s’insoro finesa, e sun veras campiones de simpati’e bellesa. Bolotanas chin Silanus Lei , Burgos Illorai, si bides bellesas gai ti che fuini sas manos. Sas bellas Mossinzuanas chin sas d’Orotteddi etotu, s’innamorana de botu anim’e coro ti dana. Unieresedda a tie itte naro in custu cantu? Pura, candida che nie e meritas donzi vantu. E sas paesanas meas superbas Supramontinas, si propiu non sun deas. sun assumancu reinas.