Атырау облысында жоғалып кеткен малшы құтқарылды

Атырау облысында малын іздеп шығып, жоғалып кеткен ауыл тұрғынын құтқарушылар үшінші күні тапты. Көлікпен 70 шақырым жердегі қыстаққа барған азамат ауа райының қолайсыздығынан үйіне қайта алмаған. Кейін із-түссіз кеткен тұрғынның туыстары құтқарушыларға хабар беріпті. Сол күні кешке іздестіру шаралары басталып, ақтүтек боранға байланысты іздеу доғарылған. Ертесіне  қаладан тікұшақ шақыртылып, қар құсауында қалған малшы құтқарылды.