Менә алар — татар телендә өр-яңа уку әсбаплары:

тарих, әйләнә-тирә дөнья, технология, җәмгыять белеме, география һәм башка фәннәрдән дәреслекләр. Озакламый алар мәктәпләргә озатылачак. Үзенең бер гасырлык тарихында Татарстан китап нәшрияты санап бетергесез уку-укыту әсбаплары бастырган, ул әзерләгән дәреслекләр аша меңләгән, миллионлаган укучы белем алган. Бүген дәреслекләрне гамәлгә кую өстендә югары квалификацияле белгечләр эшли: тәрҗемәчеләр, корректорлар, мөхәррирләр, версткалаучылар, маркетологлар.