Предпразднство Преображения Господня

Канон предпразднству Преображения Господня Припев: Слáва Тебé, Гóсподи, Слáва Тебé. Память: 18 августа (05 августа ст. ст.) Глас 4. __ Акафист Преображению Господню Память: 19 августа (06 августа ст. ст.) __ Предпразднству Преображения Господня Тропарь, глас 4. Христо́во преображе́ние предусря́щем, / све́тло торжеству́юще предпра́зднственная, ве́рнии, и возопии́м: / приспе́ день Боже́ственнаго весе́лия: / восхо́дит на го́ру Фаво́рскую Влады́ка, // Божества́ Своего́ облиста́ти красоту́. __ Кондак, глас 4. Боже́ственным днесь преображе́нием / челове́ческое все естество́ просиява́ет боже́ственно, в весе́лии зову́щее: // преобразу́ется Христо́с, спаса́яй вся. __ Тропарь Преображения Господня, глас 7. Преобрази́лся еси́ на горе́, Христе́ Бо́же,/ показа́вый ученико́м Твои́м сла́ву Твою́,/ я́коже можа́ху,/ да возсия́ет и нам, гре́шным,/ свет Твой присносу́щный/ моли́твами Богоро́дицы,// Светода́вче, сла́ва Тебе́. __ Кондак Преображения Господня, глас 7. На горе́ преобрази́лся еси́,/ и я́коже вмеща́ху ученицы́ Твои́,/ сла́ву Твою́, Христе́ Бо́же, ви́деша,/ да егда́ Тя у́зрят распина́ема,/ страда́ние у́бо уразуме́ют во́льное,/ ми́рове же пропове́дят,// я́ко Ты еси́ вои́стину О́тчее сия́ние. __ Величание Преображения Господня Велича́ем Тя,/ Живода́вче Христе́,/ и почита́ем пречи́стыя пло́ти Твоея́ // пресла́вное преображе́ние. __ Величание Преображения Господня Прославля́ем Тебя́, Жизнепода́тель Христо́с, и почита́ем пресла́вное Преображе́ние Пречи́стого Твоего́ Те́ла. __ Молитва Преображению Господню Го́споди Иису́се Христе́, Бо́же наш, во Све́те живы́й непристу́пнем, Сия́ние сый Сла́вы О́тчия и О́браз Ипоста́си Его́! Егда́ прии́де исполне́ние време́н, Ты за милосе́рдие неизрече́нное к па́дшему ро́ду челове́ческому Себе́ ума́лил еси́, зрак раба́ прия́л еси́, смири́л еси́ Себе́, послу́шлив бысть да́же до сме́рти. Оба́че пре́жде Креста́ и во́льныя стра́сти Твоея́ на горе́ Фаво́рстей преобрази́лся еси́ в Боже́ственней Сла́ве Свое́й пред святы́ми Твои́ми ученики́ и Апо́столы, ма́ло скрыв пло́ти восприя́тие, да егда́ Тя у́зрят распина́ема, и сме́рти предава́ема, уразуме́ют у́бо страда́ние Твое́ во́льное и Божество́. Да́руй же и нам всем, пречи́стыя Пло́ти Твоея́ Преображе́ние пра́зднующим, чи́стым се́рдцем и нескве́рными умы́ взы́ти на Святу́ю го́ру Твою́, в селе́ния святы́я сла́вы Твоея́, иде́же глас чист пра́зднующих, глас несказа́ннаго ра́дования, да та́мо ку́пно с ни́ми лице́м к лицу́ у́зрим Сла́ву Твою́ в невече́рнем дни Ца́рствия Твоего́, и со все́ми святы́ми, от ве́ка Тебе́ благоугоди́вшими просла́вим Всесвято́е и́мя Твое́ со Безнача́льным Твои́м Отце́м и Пресвяты́м и Благи́м и Животворя́щим Твои́м Ду́хом ны́не и при́сно и во ве́ки веко́в. Ами́нь. __ Док-станция для мобильных телефонов и умных часов Shopping on ebay: