Երկինք, երկիր, արարածներ/ Erkinq, erkir, araracner- Խոսք՝ Միլազիմ Ռասոյան (Օրիգինալ)

ՕՐՀՆԵՐԳ ԱՍՏԾՈւՆ հեղինակ՝ Միլազիմ Ռասոյան 1.Երկինք-երկի՛ր, արարածնե՛ր, լու՛ռ կացեք, Ճշմարտության խոսքին դուք ականջ դրեք, Իմ այս խոսքը սիրող Աստծո մասին է, Իմացեք, թե ո՞վ է նա, ինչպիսի՞ն է: 2.Միակն է նա` կա ճշմարիտ մեկ Աստված, Հայրը, Որդին և Սուրբ Հոգին մեկացած, Տիեզերքում նրա նման սուրբ չկա, Թագավորաց-Թագավոր է և մի՛շտ կա: 3.Սկզբում էր Գոյը և Գոյն Աստված է, Ամեն գոյերն նրանով են գոյացել, Նրանով են ապրելու ուժ ձեռք բերում Եւ նրանով իրենց վախճանը գտնում: 4.Նա հոգի է և ինքնագո, իմաստուն, Հավիտենից անփոփոխ է և գիտուն, Ողջ տիեզերք նա ստեղծեց վեց օրում, Երկինք-երկիր և ինչոր կա նրանցում: 5.Ամենուրեք է Աստված, ամենազոր, Իր ստեղծածներին հսկում է ամեն օր, Իր սուրբերի սրտում և հոգում է նա, Ամեն ստեղծված էակի հետ է նա: Ճշմարտության խոսքին դուք ականջ դրեք, Երկինք-երկի՛ր դուք սուրբ Աստծուն փառք տվեք։