#Православие, #Христианство, #Богородица, #ПресвятаяБогородица, #иконаБожиейМатери, #чудотворнаяикона, #ФеодоровскаяиконаБожиейМатери, #ФеодоровскаяКостромскаяиконаБожиейМатери
Тропарь:
Пpише́ствием честны́я Твоея́ ико́ны, Богоотpокови́це, обpа́дованный днесь Богохpани́мый гpад Костpома́, я́коже дpе́вний Изpа́иль к киво́ту Заве́та, пpитека́ет ко изобpаже́нию лица́ Твоего́ и воплоти́вшагося от Тебе́ Бога на́шего, да Твои́м Ма́теpним к Нему́ пpедста́тельством пpи́сно хода́тайствуеши всем, под сень кpо́ва Твоего́ пpибега́ющим, миp и ве́лию ми́лость.
Кондак:
Благода́рственная принося́ще Ти, раби́ Твои́, Богороди́тельнице, о всех, и́миже благоде́яла еси́ гра́ду на́шему, из глубины́ души́ взыва́ем к Тебе́ и ми́ли ся де́ем: не преста́ни, Влады́чице, Ма́терними к Сы́ну Твоему́ и Бо́гу на́шему моли́твами подава́ти вся блага́я и спаси́тельная всем, ве́рою и любо́вию вопию́щим Ти: ра́дуйся, Де́во, христиа́н похвало́.
Молитва:
О Премилосе́рдая Госпоже́, Цари́це Богоро́дице, приими́ смире́нное моле́ние на́ше, и не отри́ни нас, заступле́ние и прибе́жище на́ше, и не возгнуша́йся нас, недо́стойных, но я́ко Милосе́рдая, не преста́ни моля́щи, Его́же родила́ еси́, да да́рует нам проще́ние мно́гих согреше́ний на́ших, да спасе́т нас и́миже весть судьба́ми. Поми́луй нас, Влады́чице, поми́луй нас, несть бо нам спасе́ния от дел. Те́мже ве́рно вопие́м Ти: поми́луй рабы́ Твоя́, и непло́дное се́рдце на́ше покажи́ плодоно́сно благи́х дел. При́зри на нас недосто́йных, Ты бо упова́ние и покро́в наш, жизнь и свет се́рдцу на́шему. Я́ко Невече́рний Свет от чре́ва Твоего́ воздви́гшая, озари́ ду́шу на́шу, Чи́стая, и отжени́ вся́ку мглу се́рдца на́шего. Да́руй нам умиле́ние, покая́ние и сокруше́ние серде́чное. Сподо́би нас по вся дни живота́ на́шего твори́ти во́лю Сы́на Твоего́ и Бо́га на́шего и во всем благоугожда́ти Ему́ Еди́ному. О Богома́ти, не преста́ни моля́щи Ро́ждшагося от Тебе́ за вся притека́ющия с ве́рою к сему́ чудотво́рному о́бразу Твоему́ и подава́й им ско́рую по́мощь и утеше́ние в ско́рбех, и напа́стех, и злострада́ниих, изба́ви их от клеветы́ и зло́бы челове́ческия, от враг ви́димых и неви́димых, и вся́кия ну́жды и печа́ли. Спаси́ оте́чество на́ше, град сей и вся гра́ды и страны́ от вся́ких бед и нужд, и сотвори́ ми́лостива нам бы́ти Бо́га на́шего, отврати́ вся́кий гнев Его́ на ны дви́жимый и изба́ви ны от належа́щаго и пра́веднаго Его́ преще́ния. О Боголюби́вая Влады́чице, А́нгелов украше́ние, му́чеников сла́во и всех святы́х ра́досте, с ни́ми моли́ Го́спода, да сподо́бит нас в покая́нии сконча́ти живота́ на́шего тече́ние. В сме́рти же час, Пресвята́я Де́во, изба́ви нас от вла́сти бесо́вския и осужде́ния, и отве́та, и стра́шнаго испыта́ния, и мыта́рств го́рьких, и огня́ ве́чнаго, да, сподо́бльшеся сла́внаго Ца́рствия Бо́жия, велича́ем Тя и сла́вим вопло́щшагося от Тебе́ Христа́ Бо́га на́шего, Ему́же сла́ва со Отце́м и Святы́м Ду́хом, ны́не и при́сно и во ве́ки веко́в. Ами́нь.
Величание:
Велича́ем Тя, Пресвята́я Де́во, Богоизбра́нная Отрокови́це, и чтим о́браз Твой святы́й, и́мже то́чиши исцеле́ния всем с ве́рою притека́ющим.
1 view
529
188
5 months ago 00:51:08 1
О сущности МОНАШЕСТВА!!! #ЕпископАВГУСТИН (на покое)
5 months ago 04:51:11 1
XXIX Болотцевские чтения. День 1
5 months ago 00:36:12 1
Пустите ГОСПОДА!!! #ЕпископАВГУСТИН
5 months ago 00:32:13 1
ВОЗЬМИ СВОЙ КРЕСТ ... И СЛЕДУЙ ЗА МНОЮ!!! Августин (Анисимов), епископ Городецкий и Ветлужский.
6 months ago 00:33:09 1
РАДИ ЧЕГО??? #ЕпископАВГУСТИН
6 months ago 00:20:13 1
А.И.Осипов.Как научиться не оценивать и не осуждать людей.
6 months ago 00:18:19 1
Как нужно МОЛИТЬСЯ??? #ЕпископАВГУСТИН
6 months ago 00:28:39 1
Об искушениях и ИСПЫТАНИЯХ! #ЕпископАВГУСТИН
6 months ago 00:48:43 1
Смерть живет в нас
6 months ago 00:42:24 1
Как мы можем исправить нашу жизнь?!
6 months ago 00:29:32 5
Архиерейское богослужение в день празднования в честь иконы Феодоровская
6 months ago 00:04:58 1
В Городце встретили икону Пресвятой Богородицы «Всецарица»
6 months ago 00:05:56 1
Икона Божьей Матери Феодоровская
6 months ago 00:00:00 1
СЕГОДНЯ ОЧЕНЬ ВАЖНО УДЕЛИТЬ ХОТЬ 1 МИНУТУ! ПРОИСХОДЯТ ЧУДЕСА ИСЦЕЛЕНИЯ! ИКОНА БОГОРОДИЦЫ “ЗНАМЕНИЕ“
6 months ago 00:35:56 1
Великопостные чтения. Седмица 2-я Великого поста. ()
6 months ago 00:44:20 1
Икона Божией Матери Феодоровская - Благословение дома Романовых
6 months ago 00:17:42 1
27 марта Венедиктов День. Что нельзя делать 27 марта Венедиктов День. Народные традиции и приметы.
6 months ago 00:02:14 1
День иконы Божией Матери «Феодоровской-Костромской»
6 months ago 00:13:54 1
27 марта Венедиктов день. Что нельзя делать 27 марта. Народные традиции и приметы на 27 марта
6 months ago 00:02:31 1
Включи прямо сейчас! Библейские чтения Великого Поста 27 марта 2024 года Исаия
6 months ago 00:03:46 1
Феодоровская икона Божией Матери
6 months ago 00:12:57 1
28 марта ВКЛЮЧИ И БЕДЫ УЙДУТ НАВСЕГДА, А СЧАСТЬЕ ПРИДЕТ В ТВОЙ ДОМ! Молитва Богородице. Православие