Матушка-Земля на чувашском языке. Ҫӗр-Аннемӗр. Режиссер, видеограф - Константин Доброхотов.

Чӑваш енӗм, манӑн савнӑ ҫӗрӗм! Мӗн тери ҫепӗҫ эсӗ, мӗн тери черчен, мӗн тери ҫывӑх. Тӑван енӗм - мӑн асаттесемпе асаннесем ӗмӗрлӗх парса хӑварнӑ ҫӗрӗм. Унӑн пуянлӑхӗ ҫут ҫанталӑкӑн юмахри пек илемлӗхӗнче: утмӑл турат тӗслӗ янкӑр тӳпинче, асамат кӗперӗ евӗр сарӑлса выртакан тӗрлӗ тӗслӗ уй-хирӗнче, ем-ешӗл те пуян вӑрманӗнче, вӗҫӗ-хӗррисӗр тӑсӑлакан ҫырми-ҫапринче, сӑрт-тӑвӗнче, тӳремлӗхӗнче; чӑваш юрри пек кӗвӗллӗ те янравлӑ, юман вутти пек хӗрӳллӗ те вӑйлӑ чӗлхинче; ҫурхи шыв пек шӑнкӑртатса юхакан кӗвви-