Чойган Ондар: «Тыва дылды интернет четкизинге нептередип, хөгжүдери - бистиң кол сорулгавыс»

«Тыва дыл – чоннуң өнчүзү» дээр болгай. Амгы үеде бичии чаштарның төрээн тыва дылын уттуп, хөй кезиинде орус дылга чугаалажып турар апарганы чажыт эвес. Бо байдалга интернет, янзы-бүрү чурагайлыг гаджеттер база телевизорда орус дылда аңгы-аңгы дамчыдылгаларны, мультфильмнерни көрүп, сөстерни ол-ла дораан сиңирип ап турары улуг салдарны чедирип турар. Ооң-биле кады ада-иезиниң харыысалгазын база уттуп болбас. Шак бо айтырыгларны база катап сайгарып, чугаалажыры-биле Тыва республиканың Чазааның чанында Тываның гуманитарлыг болгаш социал-экономиктиг тускай шинчилелдер институдунга ’’төгерик ширээ’’ болуп, эрткен. Ук хемчегге бистиң тырттырар бөлүүвүс база барган. #Дыл #ТГШИ #Тыва #Тыва24