«З НАГОДЫ МЁРТВЫХ ДУШ» – А. Жвалеўскі, Я. Пастарнак; рэжысёр-пастаноўшчык: А. Баркар

З НАГОДЫ МЁРТВЫХ ДУШ 12 Трылер кніжнае паліцы на дзве дзеі з антрактам Рэжысёр-пастаноўшчык: Аляксандр БАРКАР (Масква, Расія) Мастак-пастаноўшчык: Анастасія ТРУБНІКАВА (Масква, Расія) Пераклад: Жана ЛАШКЕВІЧ У невялікую бібліятэку трапляе маладая практыкантка з мараю “усё перарабіць-асучасніць” і адразу ладзіць мерапрыемства пад назваю бібліяноч. Там на спірытычным сеансе яна выклікае кнігу, якую калісьці знішчыў (спаліў) сам аўтар. Другі том “Мёртвых душ” з’яўляецца і… застаецца. Але слава старасвецкага рарытэта яго не здавальняе – ён вымагае ўлады над кнігамі ды чытачамі, шырэй – чалавецтвам. Метады ягоныя па-д’ябальску эфектыўныя, а мэты – туманныя ды злавесныя. Між тым бібліятэку, нягледзячы на нядрэнныя фонды, лічаць бесперспектыўнай і вось-вось зачыняць, а Другі том “Мёртвых душ” знаходзіць падтрымку і даведваецца пра інтэрнэт… Спектакль доўжыцца 2 гадзіны 25 хвілін Прэм’ера – 30 ліпеня 2018 года