Veni Creator Spiritus

Veni, Creátor Spíritus, Mentes tuórum vísita, Imple supérna grátia Quae tu creásti péctora. Qui Paráclitus díceris, Donum Dei altíssimi, Fons vivus, ignis cáritas, Et spiritális únctio. Tu septifórmis múnere, Déxterae Dei tu Dígitus, Tu rite promíssum Patris, Sermóne ditans gúttura. Accénde lumen sénsibus, Infúnde amorem córdibus, Infirma nostris córporis Virtúte firmans pérpeti. Hostem repéllas lóngius, Pacémque dones prótinus, Ductóre sic te praévio Vitémus omne nóxium. Per Te sciámus da Patrem, Noscámus atque Fílium, Teque utriúsque Spíritum Credámus omni témpore. Amen.